2021年8月23日 星期一

拯救蝕本股票倉策略

A: 施主, 有什麼可以幫到您?

B: 大師,救命呀, 小弟在高位買了當時的當炒股, 依家股票組合市價比成本價唔見起碼三分之一至一半, 有何解救方法。

A: 老實說, 你買的股票的股票市場目前處於熊市階段,在熊市階段只有用認沽證對沖減少損失或趁反彈沽出部份持貨增加現金比重以減少損失。

B: 唉......小弟唔識開熊證/沽輪, 有何其他方法?

A:首先, 你要把手上股票持貨分類, 一類是仍有盈利能力, 熊市最多削弱她的未來一段時間的盈利能力,景氣恢復便有機會復甦, 這些股票如果唔是蝕太多可盡量保留或反彈到較高價位置時酙量減持,而由頭到尾都處於蝕本狀態公司股票可能需要沽出或沽出較多作出處理。

B:除此之外,有無其他方法?

A:舉個例說, 你一身背心短褲運動員裝束如果因跑步(徑賽)項目唔啱您, 您可以試試參加田項, 可能你是推鉛球, 跳高或跳遠高手。

B:如何處理手上蟹貨?

A:處理手上蟹貨只能按步就班, 逐步處理, 一步一步來。由於全部止蝕馬上會元氣大傷,可能暫時部份止蝕手上蟹貨, 把部份止蝕套回的現金投入一些新的預期回報股價有較佳回報而又有能見度和可預測性的新股票投資項目以追回全部或部份損失。

B:唉, 手上持股無得走...可以點做, 已經中箭受傷, 唯有等反彈。

A:那要制定策略, 反彈了減持什麼,撈什麼幫補損失。

B:希望我過到呢個難關。

A: 你可以考慮趁反彈換馬改善投資組合,繼續優化和改善, 投資先有意思, 也不能過份硬頸。看來只能侯反彈上較高位置時減持換馬,一步步減少蟹貨所佔比重, 千祈唔好唔救, 唔救就好多年白做, 你都要想想辦法, 你既出路可能是在另一跑道找出財息兼收倍升股或可以升倍計的公司股票去把今次赤字部份填補先,增強番信心先, 一步一步來......

B:我有時間就研究下, 暫時未有可調用資金。

A:唔緊要啦, 可發掘財息兼收倍升股或可以升倍計的公司股票去把今次赤字部份填補先, 高息好增長公司趁一時落難一刻大開中門迎接, 將來難關一過便會飛黃騰達。 情況好似做救生員一樣, 唔理用什麼方法, 拋水泡,拋童軍繩,落水救人, 成功救到人便可, 只要你肯想辦法一定救到, 依家可以做定研究功課, 等你既"美人魚"出現馬上去撈, 到時鯊魚, 美人魚, 鯨魚都撈埋上岸, 此乃撈底捉魚原理,唔使成日出海, 但出海便需有把握用便宜價執死雞。

5 則留言:

  1. 好好的比喻,鯊魚、美人魚、鯨魚同雞魚(執死雞)。多謝提供智慧錦囊。

    回覆刪除
    回覆
    1. 謝謝欣賞, 亦是小弟過去一年半的實際投資經驗

      刪除
  2. 頭一次來樓主家,好搞笑,投機輸錢,要重學投資

    回覆刪除