香港飲食食肆執笠結業探討

近日閱讀新聞，得悉沙田瀝源邨富東閣酒家做埋6月尾結業唔做，反映在香港經營餐飲業務並唔容易。

香港飲食食肆執笠結業原因可能如下：

1.業主唔肯減租共渡時艱，甚至加租，今次沙田瀝源邨富東閣酒家因領展疫後加租但沙田瀝源邨富東閣酒家疫情後生意收入不似預期，所以結業。

2-4原因應該是飲食業前線員工服務質素唔好導致

2.飲食業員工服務態度唔好，小弟去年在港島東某餐廳領教過，未食完就行埋黎收碟，叫食客點會舒服。

3.前年暑假，在大XX食早餐個水吧放杯熱飲唔小心放歪左滾水淥親小弟隻腳，雖然大xx結果賠番醫療診金，但身體受燙傷並唔好受。

4.最近，幫襯M記，個女經理失手㩒多左掣收多一次信用卡錢，喂我只是食你地一餐，真是無理由收兩次錢，好彩有拿單據，打電話及落分店店面都追討都不得要領，最後報消費者委員會備案及向佢地總部追討，至今仍未攪惦退款，費時失時令顧客麻煩不便。

租金，經濟等外部環境因素餐廳不能控制，但員工服務質素，食材質量等人為內部因素係餐廳可以控制。

看來，餐廳要在這個零售氣氛低迷中脫穎而出色，避過執笠結業需由改善內部因素包括員工服務及食材質素做起。