財務自由記(四):撈底

撈底技術

雖然股票,外匯雖然沒有必勝術,但有一種技術是散戶投資者必須掌握 -- 我叫佢做 "撈底技術"。

1. 撈底只能用已經收集之閒錢, 沒錢 可以確定某資產價格為谷底附近時每月出薪金后把預計餘錢買入, 不借貸, 買了要心安理得。

2. 心理思想準備 :- 例如上次港股熊末牛初2008年10月至2009年3月都近半年, 澳, 紐元在2000-2002年谷底徘徊近2年, 谷底撈了外匯/股份/樓后唔好成日望住佢, 更不能打獲利沽出的壞主意, 要有耐性持有, 讓高息加上時間滾動累積出複息效應, 從而踏上個人財務自由的正途。

3.谷底時為自己準備建設產生被動收入的資產庫, 我一向強調各種資產比例要合理最理想樓/REITS+現金+好公司股份各佔一部份, 比例是個人風險能承擔, 即揸了后可以安心大睡的比例。

4.撈底實際操作

撈底呢方面要舉小弟2個個人成功實例才會令網友相信:-

a. 外匯: 小弟記得好細個, 大約是1983年, 我只有幾歲, 是己經識字, 有1次看 "華僑日報"財經版, 依希記得當時澳洲元同美金差唔多是7.3 --0.9x 兌美金呢 D高位, 之後小弟 2000-2002年出來工作, , 每月出薪金后扣除所需支出后把所有餘錢都撈 澳元, NZD, 當時 澳元只有 3.9X -4.5 呢d位, 相比 7.3, 已經趺左4-5成, 認為可以長線吸入收息, 雖然果2年收集既 澳元, 新西蘭幣唔是十分多, 但總算為個人儲蓄開左個頭, 踏上投資不歸路。

結論一: 當商品/商品貨幣由歷史高峰 [30-50年參考數據], 趺超過 4-5成而該國貨幣 仍有3-5厘息以上, 國家理財穩健, 只因經濟大環境唔好而貿易赤字, 沒有濫發鈔 票, 可以留意谷底撈外匯: 實例: 2000-2002年及 2008年10月至12月 澳元, 新西蘭幣, 當時仍有 3-4.5厘息 , 大趺4至5成大手買入一定安心。

b. 股票: 2008年尾-2009年3月, 網主係75.85元買入香港交易所,10.75元買入招行, 1.86元買了六萬股冠君 長揸收基金單位分派至今, 重點都是: 股票價格要比歷史高峰趺7至8成以上才可以考慮撈底問題。

388: 香港交易所: 高峰 256元 谷底:49.7元 ---> - 80%

3968: 招行 高峰 40元 谷底: 8.9元 ------>-77.75%

2778: 冠君 高峰 5.06元, 谷底 1.31元 ------>-74.1%

結論二: 上次港股牛市由 2007年10月 31958點 假設大趺6成7 谷底2008年10月28日為: 10676點, 已經趺左 2/3 , 正常而理性投資人應考慮撈當中好公司股票, 最理想是有穩定現金流入業務, 淨現金股/低負債 既高派息股份最好有年息七八厘以上有持續派息能力的公司與資產。