頹飯

回想2003年沙士後讀書時, 上課時中午午餐大多去飯堂堂食頹飯(餐蛋飯)解決。 當時是賣緊拾蚊雞一碟, 簡直是窮學生恩物。

近日, 由於冠狀病毒肺炎影響及兼職收入大減, 出街食飯真的不太方便, 為解決晚餐需要, 於是落手落腳自製晚飯:-

準備材料有 午餐肉2-3塊, 雞蛋一隻, 米, 鼓油, 糖

1.先落D油煎午餐肉

2.之後, 煎蛋

3.同一時間用電飯煲煲飯

4.最後, 把少量糖加在鼓油加熱成甜鼓油淋在午餐肉, 煎蛋, 飯上面。

在家自制頹飯, 成本大約捌蚊, 在經濟衰退環境下, $8蚊解決到一餐需要, 有頹飯食已經算唔錯。